"Локомотив": Идиатуллиндан Кападзегача

ТТЗдаги “Локомотив” стадионида бўлиб ўтган баҳсда “темрйўлчилар” “Олмалиқ”ни 4:1 ҳисобида мағлуб этишди. Қизиғи шундаки, мазкур учрашувда учинчи голга муаллифлик қилган Тимур Кападзе “Локомотив”нинг олий лигадаги 450-голини рақиб дарвозасига киритди. Бу ўйингача 2004 йилдан бери олий лигада иштирок этиб келаётган “Локомотив” рақиблар дарвозасига 447та тўп киритганди.

Кечаги баҳсда Мўйдин Мамазулумов ҳисобни очган бўлса, Олег Зотеев ҳисобни 2:1 кўринишга келтирди. Кейинчалик “Локо” сардори Тимур Кападзе жамоасининг учинчи тўпини киритди. Ва ўйинга якуний нуқтани Марат Бикмаев қўйди – 4:1. Шундай қилиб “Локомотив”нинг олий лигада урган голлари сони 451тага етди ва Кападзе 450-гол муаллифи бўлди.

Қуйида “Локомотив”нинг олий лигадаги юбилей голларини келтириб ўтамиз:

1-гол. Марсель Идиатуллин (2004 йил)
50-гол. Марсель Идиатуллин (2005 йил)
100-гол. Ўлмас Икромов (2006 йил)
150-гол. Ильнур Хазигалиев (2008 йил)
200-гол. Музаффар Умрзоқов (2009 йил)
250-гол. Зайниддин Тожиев (2012 йил)
300-гол. Фарҳод Тожиев (2013 йил)
350-гол. Иван Нагаев (2014 йил)
400-гол. Дамир Кояшевич (2015 йил)
450-гол. Тимур Кападзе (2015 йил)