“Локомотив” дастлабки назорат учрашувини ўтказди ва ғалаба қозонди

Минск йиғини давомида кеча «темирйўлчилар» Гродно шахри шарафини ҳимоя қилувчи “Неман” клубига қарши биринчи назорат учрашувида майдонга тушди.

Учрашувнинг 29-дақиқасида «Локо» сафида кўрикдан ўтаётган Саша Кайкут Зотеевнинг тўп оширишидан сўнг ҳисобни очган бўлса, 55-дақиқада Садриддин Абдуллаев ҳисобни 2-0 кўринишига олиб келди. Шундан сўнг "Неман" клуби аъзоси Александр Позняк 66-дақиқада орадаги фарқни қисқартиришга муваффақ бўлди. Ўйинга қўшиб берилган дақиқаларнинг биринчисида "Локо" таркибида кўрикдан ўтаётган бошқа легионер сербиялик Бранислав Пуношевац ўз ҳисобига гол ёзиб қўйди ва шу тариқа Микляев шогирдлари 3-1 ҳисобида ғалаба қозонишди.

“Темирйўлчилар” навбатдаги учрашувни 19 июль куни  “Крумкачи” клубига қарши ўтказади.

"ЛОКОМОТИВ" - "НЕМАН" 3-1
Голлар: 1:0 - Кайкут (29), 2:0 - Абдуллаев (55), 2:1 - А.Позняк (66), 3:1 - Пуношевац (90+1).
Локомотив: Икромов, Мустафоев, Зотеев, Прохоров, Кайкут, Махарадзе, Мирзаев, Кападзе, Шоаҳмедов, Алибоев, Пуношевац.
Захирадагилар: Каримов, Нартожиев, Яничич, Абдуллаев, Рўзиев, Геворкян, Абдухолиқов, Усмонов.

Неман: Курганский, Бебе, Сосновский, Горбач, Позняк, Савостьянов, Рудик, Савицкий, Концевой, Васьков, Вергейчик.
Захирадагилар: Журов, Хвалько, Косминин, Васильев, Дуйшобеков, Чурин, Белов, Андроник, Бомбель, Ковалёнок.