"Локомотив" 4 февраль куни Украина клуби билан ўйнайди
02 фев 2018 12:41
Новости

"Локомотив" 4 февраль куни Украина клуби билан ўйнайди

Тошкентнинг "Локомотив" жамоаси янги мавсум ҳозирликларини айни дамда Туркияда олиб бормоқда.

"Темирйўлчилар"нинг Белекда ўтадиган йиғин доирасидаги учинчи ўртоқлик ўйини учун танлаган рақиби ўзгарди. Жамоа 4 февраль куни Россиянинг “ЦСКА Москва” клуби ёшлар таркиби билан ўйнаши режалаштирилган эди. Мазкур жамоа ўрнига энди Украинанинг “Олександрия” клуби билан баҳс юритиладиган бўлди.

Таъкидлаб ўтамиз, ушбу учрашув “Локомотив” учун Белек йиғини доирасидаги сўнгги назорат баҳси бўлади. Шундан сўнг жамоа 5 февраль санасида Тошкентга қайтиб келади ва Осиё Чемпионлар Лигаси 1-тури доирасидаги БААнинг “Ал Ваҳда” клубига қарши кечадиган ўйинга ҳозирлик олиб боради.