"Ливерпуль" Салоҳни 12 ўйинга йўқотиши мумкин

Бироқ мухлислар Арне Слот мисрликсиз қандай ўйнашини кўриш имконига эга бўлишади ва бу жароҳат туфайли эмас.

"FourFourTwo" хабарига кўра, бу йил охирида бўлиб ўтадиган Миср терма жамоаси иштирокидаги турнирлар билан боғлиқ. Биринчиси, Африка давлати учун 2 декабрда бошланиб, 18 декабрда якунланадиган Араб Кубоги.

Салоҳ дам олишга улгурмасиданоқ —  3 кундан сўнг Африка Миллатлар Кубоги старт олади ва 18 январга қадар давом этади. Агар "Ливерпуль" етакчиси барча халқаро ўйинларда майдонга тугса, клуб даражасидаги 12 та баҳсни ўтказиб юбориши керак бўлади.

Слот мисрлик футболчисиз Чемпионлар Лигасида "Интер" ва "Марсель", шунингдек, АПЛда "Тоттенхэм" ва "Арсенал" каби юқори даражадаги ўйинларни ўтказиши керак.

Аввалроқ Слот "Ливерпул"нинг 2 футболчиси жароҳат олганини маълум қилган эди.