АПЛ. "Манчестер Сити" О'Райлининг дубли билан "Ньюкасл"ни мағлуб этди

"Манчестер Сити" — "Ньюкасл" 2:1

Голлар: 14 - Нико О'Райли, 22 - Льюис Холл, 27 - Нико О'Райли

"Манчестер Сити": 25. Жанлуижи Доннарумма, 27. Матеус Нунес, 21. Райан Аит-Нури, 33. Нико О'Райли, 15. Марк Гехи, 3. Рубен Диаш (45. Абдуқодир Ҳусанов 46'), 16. Родри, 20. Бернарду Силва, 42. Антуан Семеньо (47. Фил Фоден 87'), 7. Омар Мармуш (10. Райан Шерки 58'), 9. Эрлинг Холанд.

Захира: 1. Джеймс Траффорд, 5. Жон Стоунз, 82. Рико Льюис, 4. Тейани Рейндерс, 14. Нико Гонсалес, 26. Савио.

"Ньюкасл": 1. Ник Поуп, 2. Киран Триппьер, 12. Малик Тшау, 33. Дэн Бёрн, 3. Льюис Холл, 28. Жо Уиллок (11. Харви Барнс 60'), 8. Сандро Тонали, 41. Жейкоб Рэмси, 10. Энтони Гордон (18. Уильям Осула 78'), 20. Энтони Эланга (23. Жейкоб Мёрфи 78'), 27. Ник Вольтемаде (7. Жоэлинтон 60').

Захира: 26. Жон Радди, 32. Аарон Рамсдейл, 37. Алекс Мёрфи, 61. Лео Шахар, 62. Шон Нив.

Огоҳлантиришлар: 41 - Рубен Диаш, 48 - Жо Уиллок, 50 - Бернарду Силва, 62 - Харви Барнс, 65 - Киран Триппьер, 89 - Жоэлинтон

90+5. Ўйин якунланди, Гвардиола шогирдлари ўзлари учун муҳим бўлган 3 очкони қўлга киритди!

90+4. Харви Барнснинг зарбаси жуда хавфли бўлди!

90+1. Аввалига Холанд, сўнг Фоден зарба берди, Поуп эса ажойиб сейвлар намойиш этди.

90. Учрашувнинг асосий вақтига 4 дақиқа қўшиб берилди.

88. Меҳмонларда ўзаро тушунишда муаммолар бўлмоқда, шу боис ҳужумлари ривожланмаётгани яққол кўринмоқда. 

80. Қандай вазият?.. Райан Аит-Нури чап қанотда юзага келган катта бўшлиқдан унумли фойдаланиб рақиб жарима майдончасига кириб борди, аммо якуний паллада зарба бера олмай, тўпни бериб қўйди...

77. Жоэлинтоннинг зарбаси кучли, аммо ноаниқ бўлди.

72. Холанд катта тезликда олдинга ўтиб дарвоза томон зарба берди, бироқ унинг тепган тўпини ҳимоячи қайтариб юборди.

69. "Ньюкасл" асосан қарши ҳужумларда ҳаракат қилмоқда. Бироқ улар хавфли вазиятга айланмаяпти.

66. Жаримадан узатилган тўпни Холанд дарвозага йўллади, аммо ноаниқ бўлди.

65. Яна Семеньо, қулай вазиятда берган зарбасини Поуп ушлаб олди.

54. Семеньо майдоннинг иккинчи томонидан рақиб томон катта тезликда юриб келди ва зарба берди, лекин жуда ноаниқ бўлди ушбу зарба.

52. Льюис Холл жарима зарбасидан тўпни тўғри дарвозага йўллади, аммо бирозгина ноаниқ бўлди.

46. Абдуқодир Ҳусанов майдонга тушди! У Диашни алмаштирди.

46. Иккинчи бўлим бошланди.

45+5. Биринчи бўлим якунланди!

45+5. Родри олдинга юриш қилиб тўпни Омарга узатди, мисрлик футболчининг зарбаси кучсиз чиқди.

45+3. Мармушдан яна зарба! Бу сафар кучли, лекин яна ноаниқ...

45. Биринчи бўлимга 5 дақиқа қўшиб берилди.

45. Холанд ажойиб дриблинг намойиш этиб дарвоза томон зарба берди, аммо бироз ноаниқ бўлди.

42. Дэн Бёрн бош билан зарба бериб гол урди, бироқ ушбу вазиятда ўйиндан ташқари ҳолат борлиги маълум бўлди.

39. Уиллокнинг пастки бурчакка йўллаган зарбасини Доннарума ушлаб олди.

37. "Сити"дан ҳужум! Мармушнинг узатмасини О'Райли деярли бўш дарвозага аниқ йўллай олмади...

31. Яна бир зарба. Бу сафар Гордондан, Жанлуижи ўз ўрнида! 

30. "Ньюкасл"дан ҳужум. Ҳаволатиб узатилган тўпни Эланга бош билан дарвозага йўлламоқчи бўлди, бироқ ўхшамади.

28. Хўш, энди навбат кимда гол уриш бўйича? Кузатамиз.

27. ГОЛ! Яна О'Райли, бу сафар бош билан! Ҳаволатиб узатилган тўпни Нико боши билан дарвозага аниқ йўллади!

25. Мармуш яна бир бор зарба берди, бу сафар тўп ҳимоячилардан ўтмади.

23. Учрашув тобора "қизиб бормоқда"! Ҳар икки жамоа вазиятлар яратишга интилмоқда.

22. ГОЛ! Льюис Холлнинг жарима майдончаси ташқарисидан тепган тўпи дарвозадан жой олди!

21. Триппьернинг ҳаволатиб берган узатмасини жамоадоши бош билан дарвозага йўллади, Донарумма қайтариб юборди.

18. Зарба навбати "шаҳарликлар"да. Мармушнинг зарбасини Поуп қайтарди!

17. Энтони Гордон тезлик билан олдинга бориб Гехидан ўтиб кетди ва зарба берди, Доннарумма ўз ўрнида!

14. ГОЛ! О'Райли жарима майдончаси ташқарисидан зарба бериб, гол урди!

10. "Сити" фаол, босим ўтказмоқда, аммо натижа бўлмаяпти.

3. Энди ўнг қанот: Бернарду Силва жарима майдончасига кириб борди, яна меҳмонлар ҳимояси фаол.

2. Илк дақиқалардан манчестерликлар фаол бошлади. Райаннинг узатмасини ҳимоячилар қайтариб юборди.

1. Ўйин бошланди.

Ассалому алайкум қадрли футбол мухлислари! Ўзбекистонлик ҳимоячи Абдуқодир Ҳусанов жамоаси "Манчестер Сити" ўз майдонида "Ньюкасл"ни қабул қилади. Бугун ҳамюртимиз захирадан бошлайди ўйинни.