"Ливерпуль" ниҳоят ишга киришмоқда
14 авг 15:53
Новости

"Ливерпуль" ниҳоят ишга киришмоқда

Ёзги трансфер ойнасини жимлик билан ўтказаётган "Ливерпуль" ниҳоят янги ўйинчи сотиб олиши мумкин.

Машҳур инсайдер Фабрицио Романонинг хабар беришича, "Ливерпуль" грузиялик дарвозабон Георги Мамардашвили билан шахсий шартнома шартлари борасида келишиб олди. Ушбу келишув амалга ошган тақдирда Георги 1-2 мавсумни бошқа клубда ижарада ўтказади.

"Борнмут" клуби уни "қизиллар"дан ижарага олишга рози. Кейин эса у "Ливерпуль"га қайтади ва Алиссондан кейинги асосий дарвозабонга айланади.

Айни пайтда агентлар Валенсия шаҳрида, лекин икки жамоа ҳали ўзаро келишгани йўқ.