RU

Последние новости

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  11 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Лео Игита: "Асли бразилияликман, лекин менинг ватаним Қозоғистон" Новости

Лео Игита: "Асли бразилияликман, лекин менинг ватаним Қозоғистон"

Футзал бўйича Жаҳон чемпионати 1-туридан ўрин олган Испания - Қозоғистон (1:1) учрашувидан сўнг Қозоғистон терма жамоаси сардори Лео Игита сайтимизга кичик интервью берди.

"Учрашув биз кутганимиздек қийин бўлди. Аренани тўлдирган мухлисларга ҳам раҳмат. Испания Жаҳон чемпионатининг уч асосий даъвогаридан бири. Қозоқ футзали ўсиб бораётганидан хурсандман. Ушбу жараённинг бир қисми бўлиш жуда ёқимли. 10 йил аввал фақатгина мен асосий футзалчи эдим, ҳозир эса рақобатдошлари жуда кўп. Ёш футзалчиларимиз бугун катта тажриба орттиришди. Энди Ливия ва Янги Зеландияни мағлуб этишимиз керак. Биринчи навбатда ғалаба қозонишимиз, кейин эса имкон қадар кўпроқ гол уриб олишимиз керак. Тўплар нисбати ким гуруҳдан биринчи ўринни эгаллашини аниқлаб беради" - дея фикр билдирди Лео Игита

- Қозоғистон ва Испания терма жамоалари ўртасидаги бундай принципиалликнинг сабаби нимада? ЖЧ-2016 нимчорак финал баҳсидаги учрашув бунга сабабми?

- Бунинг сабаби икки жамоа ҳам мағлуб бўлишини истамаслигида. Қозоғистон футзали ривожланиб бормоқда ва Испания биз билан тўқнаш келганда ҳар сафар кўпроқ қаршиликка дуч келяпти. Ўзбекистонда ҳам футзал ривожланиб бормоқда дея оламан. Ҳозирги кунда ҳеч қайси бир терма жамоа дарвозасига 10-15та гол ура олмайсиз, авваллари бундай натижалар кузатилиб турарди. Бизнинг ўзимизга бўлган ишончимиз кундан-кунга ортиб бормоқда. Биз ҳам имкон қадар яхшироқ натижа қайд этишни кўзлаяпмиз.

- Қозоғистон ушбу Жаҳон чемпионатида ўз олдига қандай мақсад қўйган? Қайси босқичдаги иштирок Қозоғистон учун яхши натижа деб ҳисобланади?

- Асосий мақсадимиз гуруҳдан чиқиш. Гуруҳда биринчи ўринни эгаллашга ҳаракат қиламиз, аммо бу осон вазифа эмас. Плей-офф босқичи эса умуман бошқа масала. Нимчорак финал ва чорак финаллар бу бошқа даража. Ҳозирги кунда фақатгина Ливия ва Янги Зеландияни мағлуб этиш ҳақида ўйламоқдамиз.

- Тасаввур қилинг, агарда Бразилия терма жамоаси Қозоғистон билан тўқнаш келиб қолиши мумкинлиги ҳақида ўйлаб кўрганмисиз?

- Литвадаги Жаҳон чемпионатида Бразилияга қарши ўйнадик. Албатта, бу иккиламчи ҳиссиёт. Бразилия мадҳияси янграётган чоғи ичимдан қандай ҳиссиётлар ўтганини фақатгина ўзим биламан, аммо ҳакам ҳуштагидан сўнг эътиборимни дарвозани қўриқлашга қаратаман. Тўғри, асли бразилияликман, лекин менинг ватаним Қозоғистон. Ушбу мамлакат менга кўп нарса берди ва қалбим Қозоғистон учун боримни беришим кераклигини айтиб туради.


Абдулвосит Бектемиров суҳбатлашди

Рейтинг: +3   

Комментарии

championat.asia
< посмотреть последние новости
Яндекс.Метрика