Лэмпард: "Ғалабали йўлга тушиб оладиган нуқтани топиш керак"

"Биринчи бўлимда 70 фоиз ёки шунга яқин куч билан ўйнадик. Бу ўртада тенг ўйин бўлиши учун етарли эди, бироқ кейин рақиблар томонидан ракета учиб келди. Иккинчи бўлимда ҳаракатчан ўйнадик, кўпроқ вазиятлар яратдик ва рақиб жарима майдончаси ёнига жойлашиб олдик.

Биз биргаликда ишлаяпмиз ва барчамиз бир мақсад йўлида бирлашганимизни тушунишимиз керак. Ўртада катта ўзгаришлар бўлди, бироқ бу баҳона бўла олмайди. Ҳолатни тўғирлаш керак ва ўйлайманки, бугунги ўйин буни кўрсатиб берди. Кайфиятни, бошни кўтариб, ғалабаларни оддий ҳолатга айлантириш лозим.

Ўз навбатида "Вулверхэмптон"га тан бериш керак. Футболчилар ғалаба йўлида курашгани кўринди ва ҳар бир курашда ғолиблик учун интилди. Биз эса ишлашда давом этиб, кўпроқ вазиятлар яратишимиз керак. Балки жамоадагилар гол ура олмаслик хиссиётини ўрганиб қолишгандир.

Аммо нима бўлганда ҳам жамоа ўзи истаётган жойда эмас. Бироқ ҳақиқат шундай. Меҳнат эвазига ҳолатни ўзгартириб, фақатгина олдинга йўналтирадиган нуқтани топиб олиш, даражани кўтариш керак", - деди Лэмпард.