Легионерлар: Шоҳруҳ Гадоев “Муҳаррақ” таркибида дебют қилди
01 фев 2016 10:44
Новости

Легионерлар: Шоҳруҳ Гадоев “Муҳаррақ” таркибида дебют қилди

Ўзбекистонлик ярим ҳимоячи Шоҳруҳ Гадоев Бахрайннинг “Муҳаррақ” клуби таркибига бориб қўшилди ва ушбу жамоа таркибида 31 январь куни ўз дебют учрашувини ўтказди.

Қаршининг “Насаф” клуби собиқ футболчиси “Муҳаррақ”нинг Қирол Кубоги чорак финали доирасидаги “Манама” клубига қарши кечган учрашувида асосий таркибда майдонга тушиб, ўз дебютини нишонлади. Шоҳруҳ тўлиқ ҳаракат қилган ўйинда унинг жамоаси 6:2 ҳисобида йирик ғалабага эришди ва Қирол Кубоги ярим финалига йўл олди.

Шоҳруҳ Гадоев янги клуби таркибида 24-рақам остида ҳаракат қилмоқда.

Таъкидлаш керакки, 24 ёшли футболчи Ўзбекистон миллий терма жамоаси сафида шу вақтга қадар 12 учрашувда майдонга тушиб, бир голга муаллифлик қилган.

Ссылка :

Источник : the-uff.com

Получайте новости прямо в Telegram!

Рейтинг: +9