Лаказетт дебют ўйинидаёқ гол урди, "Арсенал" "Сидней"ни мағлуб этди + ФОТО

Лондоннинг "Арсенал" клуби бироз аввал ниҳоясига етган баҳсда Австралиянинг "Сидней" жамоасини 2:0 ҳисобида мағлубиятга учратди. Қизиғи, яқиндагина "Лион"дан сотиб олинган ҳужумчи Александр Лаказетт 68 дақиқада Уэлбекнинг ўрнига майдонга тушиб, 15 дақиқадан кейин Ивобининг ўнг қанотдан ерлатиб етказиб берган пасидан кейин ўз ҳисобига "канонирлар" таркибидаги биринчи голни ёзиб қўйди. Лондонликларнинг яна бир голига Пер Мертесакер муаллифлик қилди.

Ўртоқлик учрашуви
Сидней, 13.07.2017

"Сидней" - "Арсенал" 0:2
Голлар: П.Мертесакер 4, А.Лаказетт 83
Амалга оширилмаган пенальти: Д.Уэлбек 56 (дарвозабон)

"Арсенал": Чех (Мартинес, 46), Белик (Мэйтленд-Найлс, 70), Мертесакер (Жака, 70), Колашинац (Монреаль, 70), Коклен (Окслейд-Чемберлен, 70), Уиллок (Эльнени, 69), Нельсон (Нкетиа, 70), Брэмолл (Мэлен, 70), Озил (Ивоби, 68), Уолкотт (Жиру, 70), Уэлбек (Лаказетт, 68).