Кун ўйини: Фантастик ярим финалга марҳабо!

Кеча Миллатлар лигаси ярим финалининг илк тўқнашувида Португалия Швейцарияни Роналдунинг хет-трики эвазига мағлуб этиб, финалга йўл олди. Бугун эса Португалиянинг финалдаги рақиби номи мазкур ажойиб ўтиши кутилаётган беллашувда аниқланади.

Нидерланды Маттейс де Лигт - 73', Куинси Промес - 114'

Финальная стадия . Тур 1/2 07/06/2019, 00:45 1 : 3 Finished AET

Англия Маркус Рэшфорд - 32'

Стадион: Estadio D. Afonso Henriques, 25711 зрителей

Главный судья: Clement Turpin

45'

90'

120'

30'  Маттейс де Лигт

45'  Дензел Дюмфрис

68'  Райан Бабел (Куинси Промес)

68'  Мартен де Рон (Донни ван де Бек)

73'  Маттейс де Лигт

73'  Мемфис Депай

91'  Стивен Бергвейн (Дэйви Проппер)

97'  Кайл Уокер

106'  Донни ван де Бек

114'  Френки де Йонг (Кевин Стротман)

114'  Куинси Промес

114'  Мемфис Депай

32'  Маркус Рэшфорд

46'  Маркус Рэшфорд (Гарри Кейн)

61'  Джейдон Санчо (Джесси Лингард)

70'  Гарри Кейн

77'  Фабиан Делф (Джордан Хендерсон)

106'  Деклан Райс (Деле Алли)

Открыть в Матч-Центре

Голландия (тахминий таркиблар): Силлессен; Думфрис, де Лихт, ван Дейк, Блинд; де Роон, Ф. де Йонг, Вейналдум; Промес, Депай, Бабел.

Англия (тахминий таркиблар): Пикфорд; Уокер, Стоунз, Магуайр, Чилуэлл; Хендерсон, Райс, Баркли; Санчо, Рэшфорд, Стерлинг.

Айни пайтда авлодлар алмашувини бошдан кечирган ва келажаги порлоқ авлод етишиб чиқаётган мазкур жамоалар ўртасидаги баҳс жуда қизиқарли ўтиши кутилмоқда. 

Ниҳоят маълум танаффусдан сўнг халқаро майдонга қайтаётган Голландия учун Миллатлар лигасидаги эҳтимолий ғалаба торт устидаги олчага айланади. Англия ҳам неча йиллардан буён халқаро майдонда зафар қучмаган ва Миллатлар лигаси орқали ушбу нохуш серияга чек қўйишга бўлган иштиёқ юқори.

Голландия терма жамоаси таркиби айни дамда яхши мувозанатда. Таркибда яқиндагина "Аякс" билан ЕЧЛда мўъжиза кўрсатган иқтидорлар коллекцияси ва "Ливерпуль" сафида ЕЧЛ ғолибига айланган асосий фигуралар Вейнулдум ва ван Дейк мавжуд. Бу эса Голландиянинг ҳозирги ҳолатига берилган энг холис баҳо. Агарда учар голландлар бугун квалификацияда жаҳон чемпионлари Францияга қарши ўйиндаги каби ҳаракат қилишса, унда Англияга ҳавас қилиб бўлмайди.

Англия терма жамоаси ҳам Голландия сингари янги порлоқ авлод билан юқори мақсадларни қўйишмоқда. Гарет Саутгейт жамоаси ўтган йили ёзда Россияда ўтган Жаҳон чемпионатида жамоа янги даражага чиққанини ўзининг иштироки орқали эълон қилганди. Миллатлар лигаси ғолиблиги учун эса Англия Голландия қатори асосий фаворитлардан бири саналади. Аммо улардан бири бугун курашдан чиқишига тўғри келади.

Агарда Англияда бугун Голландия тўсиғидан ўтиб, финалда зафар қучадиган бўлса, унда 1966 йилдан кейин илк бор халқаро соврин футбол ватанига кетади.

Рональд Куман (Голландия бош мураббийи): - Фантастик баҳс бўлади. Ҳар иккала жамоа ҳам жуда катта ўсишга эришишди. Англия ҳам биз каби асосан ёшларга ишонмоқда. Уларда қатор иқтидорли футболчилар мавжуд. Имкониятлар тенг. Ҳаммаси ўйинда ва кўп жиҳатдан индивидуал маҳорат эгаларига боғлиқ бўлади. Миллатлар лигаси ҳар қандай жамоа учун соврин ютиш учун ажойиб имконият. Ўйлашимча, Голландия терма жамоасининг вақти етиб келди.

Гарет Саутгейт (Англия бош мураббийи): - Ҳар доим жиддий ва чинакамига муҳим баҳсларда иштирок этиш истаги юқори бўлади. Миллатлар лигаси бизга бундай имкониятни тақдим этмоқда. Жаҳон чемпионатида ярим финалга қадар бориб жуда катта тажриба тўпладик. Шу боисдан ҳам биз катта ўйинларда иштирок этишни истаймиз. Англия қайсидир маънода катта бурилиш қиладиган пайт келди. Биз энди ярим финал ёки қандайдир масофага эмас, балки соврин ютадиган жамоага айланмоғимиз лозим.

Бугун намойиш этиладиган футболга оид кўрсатувлар жадвали (Спорт ТВ, Матч ТВ, Футбол ТВ) 

Миллатлар лигаси ғолибига УЕФА 10,5 миллион евро беради.

УЕФА Миллатлар лигаси финали 9 июнь куни бўлиб ўтади.