“Краснодар” 40 яшар ҳимоячи билан шартнома имзолади

Руслан 22 июнь куни ўзининг 40 ёшини нишонлайди.

Аджинжалнинг Россия 1-лигасига тушиб кетган “Крилья” билан шартномаси якунига етган эди. Шу боис, у эркин агент мақомида “Краснодар” билан шартнома имзолади. Келишув бир йилга мўлжалланган. Руслан янги жамоаси таркибига 17 июнь куни қўшилади.

Тажрибали ярим ҳимоячи фаолияти давомида Калининграднинг “Балтика”, Москванинг “Торпедо-ЗИЛ”, Элистанинг “Уралан”, Грознийнинг “Терек” ҳамда Владивостокнинг “Луч-Энергия” клублари шарафини ҳимоя қилган.

Эслатиб ўтамиз, ҳамюртимиз Одил Аҳмедов ўтган куни айнан “Краснодар” клуби билан 3 йиллик шартнома имзолаган эди.