Ковач: “Бавария”да ажойиб муҳит ҳукмрон”

“Бу каби хабарлар қаердан чиқмоқда ҳайронман. Аммо айни пайтда жамоада ажойиб кайфият ҳукмрон. Албатта, майдонга тушмаётган футболчилар бундан норози бўлишлари табиий. Биз ҳам ғалаба қозонмасак, хурсанд бўлмаймиз. Бироқ бу иш жараёнида бўладиган ҳолат.

Хамес Родригес ҳаммасини борича қабул қилиши керак. Жамоамизда топ-футболчилар кўп. Шу боис кимдир доим захирада қолиб кетиши табиий. Хамес биз учун муҳим футболчи. Аммо мен уни 12 футболчи сифатида майдонга тушира олмайман. Бошқалар қанча ўйин амалиётига эга бўлса, у ҳам шунча вақт майдонга тушади. 

Ҳар уч кунда майдонга тушаётганимиз боис таркибни муваффақиятли тарзда ротация қилишга мажбурмиз. 

Шунингдек, мен кам машғулотлар ўтказаётганлигимиз ҳақида ўқидим. Буниси энди кулгули. Биз ҳафтада уч куни ўйин ўтказсак, албатта, машғулотлар қисқароқ бўлиши лозим.

“Бавария”да ҳеч қандай инқироз кузатилаётгани йўқ. Биз шунчаки ҳозир қийин вазиятдамиз, ҳаммаси биз ўйлагандек амалга ошаётгани йўқ. Бунақа ҳолат ҳар бир жамоа билан юз беради”, дея мураббийнинг сўзларидан иқтибос келтирмоқда Kicker.