Коста-Рика Сувонда шуғулланяпти
25 сен 2022 15:20
Новости

Коста-Рика Сувонда шуғулланяпти

Ўзбекистон терма жамоаси ўртоқлик учрашувлари ўтказиш учун айни дамда Жанубий Кореяда бўлиб турибди.

Терма жамоамиз Кореядаги дастлабки ўртоқлик ўйинида Камерунни 2:0 ҳисобида таслим этди, Шарқий Осиёдаги иккинчи рақибимиз Шимолий Америкадан ташриф буюрган Коста-Рика бўлади.

Луис Фернандо Суарес бошчилигидаги Коста-Рика терма жамоаси ҳам ўртоқлик ўйини ўтказишга улгурди. Улар Жанубий Кореяга қарши баҳс ўтказиб, 2:2 ҳисобида дуранг қайд этишди. Сеул шаҳридаги учрашувдан сўнг Коста-Рика жамоаси Ўзбекистон билан бўладиган баҳс учун Сувонга етиб келди. Шимолий америкаликлар кеча "Suwon World Cup" стадиони ёнида жойлашган машғулот майдонида шуғулланишди.

Коста-Рика сафида жароҳатланганлар йўқ, барча футболчилар машғулотда тўлиқ қатнашишди.

Эслатиб ўтамиз, Ўзбекистон - Коста-Рика учрашуви 27 сентябрь Тошкент вақти билан 11:00да бошланади.

Ссылка :

Источник : championat.asia

Получайте новости прямо в Telegram!

Рейтинг: +6