Конте: "Рақибга осон гол уриш учун имкон бермаслигимиз керак"

"Тўғрисини айтсам, биринчи бўлимда рақибга иккита гол совға қилдик. Биринчи гол стандартнинг тезкор ўйинга киритилиши натижасида, иккинчиси эса ён чизиқдан ўйинга киритилган тўп туфайли содир бўлди. Бу узоқдан берилган ажойиб зарба эди, аммо биз рақибга осон гол уриш учун имконият бермаслигимиз керак. Бундай даражадаги ўйинларда ҳар бир вазиятда эътибор муҳим, чунки кичик детал ҳал қилувчи аҳамиятга эга бўлиши мумкин. Бугун айнан шу учун жазоландик.

Иккинчи бўлимда ҳисобни қисқартирдик ва яна бир гол уриш учун ажойиб имкониятга эга бўлдик, афсуски, Коста ундан фойдалана олмади. Ўйинни қутқариш учун вазиятлар бўлди, аммо жуда кеч бўлганди. Иккинчи бўлимни ўша таркиб билан бошладик, лекин ўйин бутунлай бошқача эди. Сўнгги 10 дақиқада 3 нафар янги футболчини майдонга туширдим. Мен Азарни Диегога яқинроқ қўйишим керак эди.

Ҳар бир учрашув қийин бўлади. Буни ёдда тутишимиз керак ва ўтган мавсумни такрорламаслигимиз лозим. Чемпионатдаги 10-ўрин камида ғалати кўринади. Биз ўйинимизни яхшилаш устида ишлашимиз керак" - дейди Конте.