Колумбияда жамоаси мағлуб бўлганидан кейин клуб президентини отиб кетишди

Бу ҳақда клуб матбуот хизмати хабар қилди.

"Чуқур ҳамдардлик билан клубимиз президенти Эдгар Паеснинг ўлдирилиганлигини маълум қиламиз. Воқелик кеча тунда у "Атлетико" билан ўйиндан кейин уйга қайтганидан кейин бўлиб ўтди.

"Тигрес" оиласи ва спорт жамоатчилиги бу ҳолатга ҳамдардлик билдиради. Умид қиламизки, бу ҳолат тегишли тарзда тергов қилинади", - деб ёзилади клуб баёнотида.

Айни дамда "Тигрес" Колумбия иккинчи лигаси турнир жадвалининг сўнгги поғонасини эгаллаб турибди.