Кокорин тимсоҳ терисидан тикилган ниқобини кўрсатди. У 30 минг рубль туради
22 июн 2020 17:02
Новости

Кокорин тимсоҳ терисидан тикилган ниқобини кўрсатди. У 30 минг рубль туради

"Сочи"да ижара асосидан ўйнаётган "Зенит" ҳужумчиси Александр Кокорин юз учун табиий тимсоҳ терисидан тикилган ниқоб сотиб олди.

Бу ҳақда metaratings.ru сайти хабар бермоқда. 29500 рубль турадиган ниқобдан футболчида камида иккита бор - қора ва кўк.

Ниқоблар Москвадаги юқори даражадаги ательелардан бирида тайёрланади. Ишлаб чиқарувчининг сўзларига кўра, маҳсулот ҳар бир буюртмачи учун алоҳида ишлаб чиқарилади.

Ниқобда фильтр бор. Кокорин бундан ташқари ўзига махсус "K.9" ёзувли ўйма нақшни буюртма қилган. Ниқобдан нафас олиш борасидаги саволга жавобан Кокорин ундаги кичкина тешикчани кўрсатди.

Эслатиб ўтамиз, Кокорин РПЛ 23-тури доирасидаги "Ростов"га қарши ўйинда хет-трик қайд этди ва профессионал фаолиятидаги 100-голини урди.