Клублар ўртасидаги ЖЧ. Дастлабки финалчи маълум!

Турнирнинг дастлабки ярим финал ўйини ниҳоясига етди. Унда Бразилиянинг "Палмейрас" клуби Мексиканинг "Тигрес" жамосига имкониятни бой бериб қўйди. Учрашув тақдирини ҳал қилган ягона гол Андре-Пьер Жиньякнинг номига ёзилди. Франция терма жамоасининг собиқ ҳужумчиси ўйиннинг 54-дақиқасида бразилияликлар дарвозаси томон белгиланган пенальтини муваффақиятли амалга ошириб, "Тигрес"ни финалга олиб чиқди.

Маълумот учун, финал йўлланмасини берадиган 2-чипта бугун Мисрнинг "Ал Аҳли" ҳамда Германиянинг "Бавария" жамоалари ўртасида ўйналади. Учрашув Тошкент вақти билан 23:00 да старт олади.

Палмейрас (Бразилия) – Тигрес (Мексика) 0:1

8 февраль, 23.00, «Education City Stadium»

Гол:

0:1 – 54, пенальти Жиньяк.

Палмейрас – Уэвертон, Маркос Роша (Майке, 72), Луан, Винья, Гомес, Габриэл Менино (Виллиан, 62), Данило (Мело, 57), Зе Рафаэл (Патрик де Паула, 57), Рафаэл Вейга (Скарпа, 73), Луис Адриано, Рони.

Тигрес – Гусман, Сальседо, Рейес, Родригес, Дуэньяс (Меса, 86), Рафаэл Кариока, Писарро, Акино (Сьерра, 90), Киньонес (Фульхенсио, 87), Гонсалес, Жиньяк.

Огоҳлантиришлар:

Габриэл Менино (32), Акино (45), Луан (52), Гусман (84).