Клопп: "Келлехер – қойилмақом дарвозабон"

Юрген Клоппнинг сўзларига кўра, "қизиллар" ва "Лестер" ўртасидаги Англия лига кубоги чорак финали қаҳрамонига айланган 23 ёшли ирландиялик Куивин Келлехер бутун жамоани қутқариб қолди.

"Мен уни яна бир бор иқтидорли деб айтмоқчи эмасман, лекин у тўпни яхши назорат қила оладиган ва ўйинни ўқий оладиган қойилмақом дарвозабон. У бундай томошабоп ўйинда биринчи марта қатнашаётгани йўқ – у "Арсенал" билан баҳсда ҳам зўр кўринганди. У жамоага катта ёрдам бериб, бизни мусобақада сақлаб қолди", – деди Клопп.

Эслатиб ўтамиз, ўйиннинг асосий вақтидаги 3:3 ҳисобидаги дурангдан сўнг "Ливерпуль" – "Лестер " тўқнашув тақдири пенальтилар сериясида ҳал бўлди. Унда Келлехер пенальтини икки марта қайтарди ва жамоаси ғалаба қозонишида катта ҳисса қўшди – 5:4.

Энди "Ливепруль" лига кубоги ярим финалида "Арсенал" билан ўйнайди.