Клаудио Ранери: “Кеча менинг орзуим саробга айланди”

“Кеча менинг орзуим саробга айланди. Ўтган мавсумда биз АПЛ чемпионлигини қўлга киритган бахтли онларда мен ўзим учун суюкли бўлган “Лестер”да бир умрга қолишни ўйлагандим. Афсуски, бундай бўлмади.

“Лестер”даги иш фаолиятим давомида мени доимо қўллаб қўвватлаб келган рафиқам Розанна ва бутун оиламга миннатдорчилик билдираман.

Ҳаммадан ҳам кўпроқ, албатта “Лестер”дан миннатдорман. Бизнинг чемпионлигимиз мен бир умр эслаб юрадиган ажойиб саргузашт бўлди, дейиш мумкин.

ОАВ ходимлари ва журналистларга ҳам раҳмат дейман. Улар биз футболда яратиган ажойиб тарихий онларни доимий тарзда ёритиб келишди. Мухлислардан ҳам миннатдорман. Улар биринчи кунданоқ ўз юракларидан менга жой беришди ва мени севишди. Мен ҳам сизларни севаман.

Биз эришган ютуқ ва натижаларни ҳеч ким, ҳеч қачон биздан тортиб ололмайди. Ўйлайманки, сизлар бу натижаларни мен каби ҳар куни қувонч билан эслаб турасизлар. Бу мен ҳеч қачон унутмайдиган мўъжизавий ва бахтли дамлар эди. Сизлар билан чемпионликка эришганим мен учун ҳам қувонч, ҳам фахрдир”, дея таъкидлади Ранери.