"Ким тактик томондан тайёр бўлса, ўша жамоа ғалаба қозонади". Леонид Кошелевнинг Ўзбекистон Суперкубогидан олдинги фикрлари
05 мар 2021 19:30
Новости
![](https://championat.asia/upload/storage/623458_original.jpg)
![](/upload/storage/623458_220.jpg)
"Ким тактик томондан тайёр бўлса, ўша жамоа ғалаба қозонади". Леонид Кошелевнинг Ўзбекистон Суперкубогидан олдинги фикрлари
Доимгидек ўйиндан аввал футбол жамоатчилиги орасида турли фикрлар янграйди, тахминлар билдирилади. Албатта, барча ўзининг шахсий фикрини билдиришга ҳақли. Биз эса қизиқарли ва шиддатли ўтиши кутилаётган Суперкубок ўйинидан олдин таниқли собиқ футболчи Леонид Кошелевнинг фикрлари билан қизиқдик.
Маълумот ўрнида таъкидлаш жоизки, Кошелев Ўзбекистон Суперкубоги тарихидаги илк учрашув иштирокчиси ҳисобланади. 1999 йил "Навбаҳор" сафида Суперкубок ўйинида "Пахтакор"га қарши майдонга тушган собиқ футболчи ўша кечада дубль муаллифига айланиб, "лочинлар"нинг тарихий натижасига катта ҳисса қўшган. Унинг 55 ва 77-дақиқаларда рақиб дарвозасига киритган тўпи, шунингдек, Шуҳрат Раҳмонқулов ва Сайдулло Турсуновнинг голлари 4:2 ҳисобидаги ғалабани тортиқ қилганди.
"Фикримча, икки жамоани ҳам осон бўлмаган ўйин кутмоқда. Ҳа, учрашув қизиқарли кечиши шубҳасиз. Бу ерда бир омил бор, мавсум энди бошланмоқда. Ҳали ҳеч қайси жамоа юз фоиз тайёр ҳолатда бўлмайди. Бу ҳам ўз таъсирини ўтказиши мумкин. Эртага қайси жамоа тактик томондан тайёр бўлса, ўша жамоа ғалаба қозонади", – дейди Леонид Кошелев.
Похожие новости
![AMP Logo](https://championat.asia/image/logo-amp.png)
Комментарии