Килиан Мбаппе: "Франциядан кетишимни эълон қилиш бунчалик оғир бўлади, деб ўйламагандим"

"Ҳаммага салом, бу Килиан. Мен сизлар билан суҳбатлашмоқчиман. Мен вақти келганида сизларга барчасини маълум қилишга ваъда бергандим ва ҳозир ёзда ПСЖдан кетаётганимни айтмоқчиман. Шартномам якунига етади ва уни узайтириш ниятида эмасман, бир неча ҳафтадан кейин Париждаги саёҳатим якунига етади. 

Авваламбор, мен барча жамоадошларим ва мураббийларимга раҳмат айтаман: Эмери, Тухель, Почеттино, Гальтье ва Луис Энрике. Доимо мени қўллаб-қувватлагани учун спорт директорлари Леонардо ва Луиш Кампушга. Клуб ишончли қўлларда қолаётганини биламан.

Бу жуда оғир, оғир ва мен Франция ва Лига 1"ни тарк этаётганимни эълон қилиш бунчалик қийин бўлади, деб ўйламагандим. Бироқ менга бу керак, орадан етти йил ўтиб, янги чорлов зарур. Ана шу етти йил давомида берган меҳр-муҳаббатлари учун мухлисларга миннатдорчилик билдираман. ПСЖ — шундай клубки, унга нейтрал муносабатда бўла олмайсиз. Уни ё яхши кўрасиз, ёки нафратланасиз. Мен ҳеч бир ишимдан афсусланмайман ва бу клуб абадий юрагимда қолади. Бу ерда ортиқ ўйнамайман, лекин жамоа учрашувларини томоша қилишда давом этаман. Мен бор кучимни ишга солиб, жамоа ғалабаларига ҳиссамни қўшиш учун интилдим ва бу ерда ўтказган вақтим, такрорланмас лаҳзалар учун тақдирдан миннатдорман".