Кечаги кун қаҳрамонлари. ФОТО

"Ливерпуль" - "Манчестер Юнайтед" 0:1
Қаҳрамон: Уэйн Руни

"Қизил иблислар" сардори Уэйн Руни 2016 йилдаги барча ўйинларда гол уриш анъанасини давом эттирди. Руни кеча Тьерри Анрининг АПЛда битта клуб сафида гол уриш бўйича рекордини янгилашга эришди.

"Сток Сити" - "Арсенал" 0:0

Қаҳрамонлар: Жек Батленд ва Петр Чех

Бу ўйинда иккала жамоа посбони яхши ҳаракат қилди. Мезбонлар дарвозабони Жек Батленд 3та, "канонирлар" посбони Петр Чех эса 5та сейв қилди.

"Удинезе" - "Ювентус" 0:4
Қаҳрамон: Пауло Дибала

Ёзда "Ювентус"га кўчиб ўтган аргентиналик Пауло Дибала ажойиб ўйин намойиш қилмоқда. Кеча Удине шаҳрида бўлиб ўтган баҳсда ҳужумчи ўз ҳисобига 2та гол ва 2та пас ёзиб қўйди.

"Женоа" - "Палермо" 4:0
Қаҳрамон: Леандро Паволетти

"Женоа" ҳужумчиси Леонардо Паволетти "Палермо" билан ўйинда дублга эришди ва мавсумдаги голлари сонини 10тага етказиб олди.

"Реал" - "Спортинг Хихон" 5:1
Қаҳрамон: Карим Бензема

Мадрид клуби Зидан бошчилигида иккинчи ўйинда ҳам 5та гол урди. Франциялик Карим Бензема Хихоннинг "Спортинг" клубига қарши баҳсда 2та гол урди ва битта пас берди.

"Лас Пальмас" - "Атлетико" 0:3
Қаҳрамон: Антуан Гризманн 

"Атлетико"нинг алмаштириб бўлмас етакчисига айланиб бўлган Антуан Гризманн кеча "Лас пальмас" билан ўйинда дублга эришди.

"Барселона" - "Атлетик" 6:0
Қаҳрамон: Луис Суарес

Каталония клуби кеча "Атлетик" дарвозасига жавобсиз 6та гол уришга эришди. Уругвайлик луис Суарес мавсумда ўзининг учинчи хет-тригини нишонлади. Эътиборлиси у Неймарга ҳам голли пас берди.