Кеча АПЛда хет-трикка эришган Эндри Грэй 2 йил олдин қаерда ўйнарди?

"Бернли" - "Сандерленд" учрашувида (4:1) мезбонлар сафида Эндри Грэй учта гол уришга эришди. Шу тариқа, ҳужумчи "Бернли" сафида АПЛда хет-трик қайд этган дастлабки футболчига айланди.

Эндри Энтони Грэй 1991 йил 26 июнь санасида Англиянинг Вулверхемптон шаҳрида туғилган. 178 см бўйга эга ҳужумчи 2015 йилдан буён "Бернли" сафида ўйнаб келмоқда.

Икки йил олдин Грэй "Лутон" сафида Англиянинг куч бўйича бешинчи дивизиони ҳисобланган Миллий лигада ўйнарди.

2012 йилда эса "Хинкли Юнайтед" таркибида Англиянинг куч бўйича олтинчи дивизионида ўйнарди.

Грэй бу йил АПЛда дебют қилди ва кеча дастлабки хет-тригини нишонлади.

Англиянинг лигалар бўйича кетма-кетлиги:
1.Премьер-лига
2.Чемпионшип
3.Лига 1
4.Лига 2
5.Миллий лига
6.Шимолий Конфереция

АПЛ. Грэй «Бернли» сафида хет-трик қайд этган биринчи футболчи