Каземиро “Манчестер Юнайтед”га ўтганидан афсусда. Клуб унинг ўрнига 19 ёшли Невешни сотиб олмоқчи
24 окт 2023 09:43
Новости

Каземиро “Манчестер Юнайтед”га ўтганидан афсусда. Клуб унинг ўрнига 19 ёшли Невешни сотиб олмоқчи

“Манчестер Юнайтед” ярим ҳимоячиси Каземиро бу жамоага ўтиш қарорини хато деб ҳисобламоқда, деб хабар беради "El Nacional".

Манбага кўра, клуб бразилияликнинг ўйинларидан норози, футболчининг ўзи ҳам “Реал”ни тарк этиб, майдонда ҳам, ундан ташқарида ҳам беқарор бўлган жамоага қўшилганидан афсусда.

Қайд этилишича, “қизил иблислар” раҳбарияти Каземиронинг ўрнига “Бенфика”нинг 19 ёшли футболчиси Жоау Невесни қўлга киритиш имкониятини кўриб чиқмоқда.

Музокаралар аллақачон бошланган, португалияликлар ўз футболчиси учун камида 70 миллион евро олмоқчи.

31 ёшли Каземиро 2022 йилнинг ёзида “Реал”дан “Манчестер Юнайтед”га ўтган эди. АПЛда бразилиялик ярим ҳимоячи 28 та ўйин ўтказиб, 4 та гол ва 3 та голли узатмани амалга оширган. Томонлар ўртасидаги келишув 2026 йилнинг ёзига қадар имзоланган.

Ссылка :

Источник : championat.com

Получайте новости прямо в Telegram!

Рейтинг: -7