RU

Последние новости

21:45ПСЖнинг икки футболчиси учун Клублар ўртасидаги ЖЧ якунланди. Хёйсен эса...  0 21:25Расман: "Банияс" Акмал Мозговойни ўз футболчиси сифатида таништирди  2 21:00Championat.asia ҳамда Transfermarkt Ўзбекистон Суперлигасининг ўтган ойдаги энг яхши мураббийи ва футболчисини аниқлади  4 20:22Тиаго Силва: "Челси" ва ПСЖдан чексиз миннатдорман"  8 19:52"Арсенал" Евро ярим финалчиси трансферини ҳал этди  4 19:23​Рустам Ашурматов Эронга етиб борди  2 18:59Санчо "Ювентус"га молиявий талабларини маълум қилди  3 18:31Футболда ринг нафаси: Майкл Баффер Клублар ўртасидаги ЖЧга таклиф этилди   2 18:03"Футбол олами". Биринчи давра якунланди  1 17:47Сулоланинг янги вакили: Петр Чехнинг ўғли "Фулхэм" билан биринчи шартномасини тузди  7 17:19Гильермо Очоа ўзининг олтинчи мундиалида қатнашмоқчи  2 16:50Ушалмай қолган орзу: "Порту" Жотани қайтармоқчи эди  1 16:22"Тоттенхэм" япониялик ҳимоячи билан шартнома имзолади  1 15:54Афғонистон терма жамоаси Россияга ўртоқлик ўйини ўтказиш таклифини берди  5 15:24Дибала "Ливерпуль" нишонида  9

Карлуш Кейруш: "Саудия Арабистони, Ўзбекистон, Хитой, Ироқ ва Эрон бир хил даражада" Новости

Карлуш Кейруш: "Саудия Арабистони, Ўзбекистон, Хитой, Ироқ ва Эрон бир хил даражада"

15 январь куни Дубайдаги "Ал Мактум" стадионида Осиё Кубоги 3-тури доирасидаги Ироқ - Эрон учрашувидан олдин матбуот анжумани бўлиб ўтди.

Унинг иккинчи қисмида Эрон устози Карлуш Кейруш ва жамоа сардори Масъуд Шожайи қатнашди.

"Эртага Ироқ билан ўйнаймиз. Бу мен учун Яман ва Вьетнамга қарши ўйинларга ўхшаган оддий баҳс. Балки ОАВ учун бошқачадир. Аммо мақсадимиз эртага мухлисларга ёқадиган ва чиройли ўйин намойиш этиш", - деб гап бошлади Кейруш.

Мени танқид қилганларни яхши кўраман. Тўғри танқидларни албатта қабул қиламан ва хулоса чиқараман.

Осиё Кубогини ютиш учун 4 даъвогардан биримиз? Бунга қўшилмайман. Тўғри Австралия, Жанубий Корея ва Япония соврин учун курашадиган жамоалар. Бироқ буларга тенглашиш учун кўп меҳнат қилиш керак. Саудия Арабистони, Ўзбекистон, Хитой, Ироқ ва биз шунга яқинмиз. Яъни юқоридаги 3та жамоа чемпионликка ҳаракат қилса, яна 6та жамоа камида ярим финалга чиқишни истайди.



Йигитларим эртанги баҳсга тайёр. Қаршимиздаги рақибни доим ҳурмат қиламиз. У Ироқ бўладими ёки Аргентина бунинг фарқи йўқ. Ироқ техник томонлама чиройли ўйин кўрсатади.

2015 йил Ироққа мағлуб бўлгандик? Тўғри ўшанда ютқазгандик. Мазкур баҳсни мистер Бен Уильямс бошқариб борганди. Унга салом йўллаб қоламан. Яхши ҳам эртанги баҳсда у ишламайди. Тарихни унутиш керак. Эртага янги ўйин ва янги тарих. Футболчилар, мураббийлар, ҳакамлар ва қолган инсонлар учрашувга тайёр бўлишлари лозим.

Осиё Кубоги жуда ҳам қийин мусобақа. Финалга қадар йўл жуда узоқ. Машина ҳайдасангиз узоқда нима борлигини кўра олмайсиз, фақат анча йўл юргандан сўнг ўша нарса кўрина бошлайди," - дейди Эрон бош мураббийи.  




"Ироққа қарши жуда ҳам қийин баҳс бўлишини кутаяпман. 2015 йилги Осиё Кубогида Ироққа ютқазиб қўйгандик. Ўша учрашувни эслайман. Жуда шиддатли баҳс бўлганди. Бундай учрашувлар тақдирини одатда майда деталлар ҳал қилади. 4 йил аввал шундай бўлганди ҳам", - дейди Масъуд Шожайи.

Нарзулла Сайдуллаев ёзиб олди

Рейтинг: +25   

Комментарии

championat.asia
< посмотреть последние новости
Яндекс.Метрика