Каримберди Мамадалиев: "Ёзёвон"ни Про-Лигада сақлаб қолиш учун астойдил ҳаракат қиламиз"
04 ноя 2018 20:34
Новости

Каримберди Мамадалиев: "Ёзёвон"ни Про-Лигада сақлаб қолиш учун астойдил ҳаракат қиламиз"

Теги : Ёзёвон-лочинлари Каримберди Мамадалиев

Про-Лига 33-туридан ўрин олган "Ёзёвон-Лочинлари" - "Ифтихор" (1:2) учрашувидан сўнг мезбонлар футболчиси Каримберди Мамадалиев "Championat.asia” сайтига интервью берди.

Бугун қийин учрашув ўтказдик. Биласиз, дербилар ҳар доим шиддатли бўлади. "Ифтихор" жамоаси билан бўладиган учрашувга жиддий ҳозирлик кўргандик.

Бугунги учрашувни томоша қилган мухлислар ва мутахассислар кўриб гувоҳ бўлишди, учрашувда яққол устунлик биз томонда бўлди. Афсуски, юзага келган вазиятлардан фойдалана олмадик ва якунда мағлуб бўлдик.

"Ёзёвон-Лочинлари"нинг Про-Лигада яна 3 та ўйини қолди. Ўйиндан кейин жамоамиз аъзолари билан жиддий гаплашиб олдик, энди қолган барча учрашувларда ғалаба қозониб, жамоамизни Про-Лигада сақлаб қолиш учун астойдил ҳаракат қиламиз - дейди Каримберди Мамадалиев.

Бекзод Толибов ёзиб олди.