Капелло: "Дунёда "Краснодар"никидек зўр футбол академиясини кўрмаганман"

Россия терма жамоаси бош мураббийи Фабио Капелло "Краснодар" клуби футбол академиясини мақтаб ўтди.

"Краснодар" клубининг футбол академияси бу фантастика! Бу даражадаги футбол академиясини бошқа ҳеч қаерда кўрмаганман. Бу Россия футболи учун жуда муҳим. Сифатли футбол академиялари кўпаяверса, мамлакат футболи учун бу жуда фойдали. Академия инфраструктураси ҳам аъло даражада экан. Ўйлашимча, бу академия ўз меваларини беришни кўп куттириб қўймайди. Академия президенти ҳам жуда кўп ишларни амалга оширгани кўриниб турибди. Жамоада тўртта эмас, унданда кўп маҳаллий футболчилар бўлади.