RU

Последние новости

10:47Италиялик футболчи дублга эришган "Шўртан" - "Бунёдкор" учрашувидан ГАЛЕРЕЯ  0 10:23«Рома» етакчиси жароҳат олди  0 09:57Флик супер камбэкдан сўнг нималар деди?  5 09:25"Сўғдиёна" — "Навбаҳор" ўртасида бўлиб ўтган супер учрашувдан ажойиб ГАЛEРEЯ  2 08:48Sofascore. Ашурматов ва Файзуллаев неча баҳога лойиқ кўрилди?  3 08:21Ўзбекистон U-23 ва U-21 терма жамоалари таркибида биттадан ўзгариш содир бўлди  0 08:10МЛС. "Интер Майами" иродали ғалаба қозонди. Месси гол урди, Алба 89-дақиқада ҳал қилувчи голга ассистентлик қилди  4 07:53Sofascore. Шомуродов кечаги баҳсда қандай баҳога лойиқ кўрилди?  4 07:25А Серия. "Ювентус" ва "Лацио" йирик ҳисобда мағлуб бўлди. "Интер" эса сафарда ишончли ҳисобда ғалаба қозонди  1 05:25Алиқулов расман терма жамоамизнинг март ойидаги ўйинларида ёрдам бера олмайди. Унинг ўрнига ким чақирилгани маълум  30 03:57Иван Бошкович: "Ўз мухлисларимиз қаршисида мағлуб бўлиш аламли, мен кўпроғини кутгандим"  4 03:36"Манчестер Юнайтед"нинг "Орзулар театри": "Олд Траффорд" тарихи (мутолаа учун)  1 03:20Сергей Лушан: "Ўйиннинг сўнгги қисмида фаоллашишимиз тактика билан боғлиқ ҳолат эди"  8 03:04АПЛ. "Манчестер Юнайтед" аутсайдерни йирик ҳисобда мағлуб этди  9 03:02Ла Лига. "Барселона" "Атлетико"ни даҳшатли камбэк эвазига мағлуб этди  187

Камронбек Кападзе: "Мен ўз ўйиним билан футболда ўрнимни эгаллайман" Новости

Камронбек Кападзе: "Мен ўз ўйиним билан футболда ўрнимни эгаллайман"

Туркиядан қайтиб келган ёшлар терма жамоамиз ҳимоячиси Камронбек Кападзе билан қисқача ЖЧ-2013 ҳақида суҳбатлашдик.
- Камронбек, Туркиядан яхши етиб келдингларми?
- Ҳа, албатта . Ҳамма футболчи ҳам ўзгача таассурот билан қайтиб келди. Кайфият аъло даражада. Охирги ўйинда имкониятимиздан озгина пастроқ ўйин кўрсатганимизни инобатга олмасак, барчаси кўнгилдагидек бўлди.

- Камронбек, сизда кайфият қандай?

- Очиғини айтсам, мен ҳам баъзан интернет орқали ҳамюртларимиз фикрларини ва мақолаларни ўқиб бораман. Шундан кейин кайфиятим қандайлигини тушуниб олаверинг. Мен фақат ва фақат ўзимга ишонаман. Бошқа нарса дея олмайман. Афсуски, мен ҳақимда ёзилган айрим фикрлар кайфиятимни бузди, лекин мен бу фикрлар билан тўхтаб қолмайман. Эътибор бермасликка ҳаракат қиламан, бироқ баъзан бунга мажбур бўлиб қоламан. Мен футболда ўз ўйиним билан ўрнимни эгаллайман. Кимгадир гапириб бирон нарсани исботламоқчи эмасман. Фақат майдонда исботлайман. Яна икки йилдан сўнг барча саволларга жавоб бераман. Катта гапириш эмас, лекин мен тўхтамоқчи эмасман. Агар ким мени ўйинимни кўрмоқчи бўлса, "Бунёдкор"нинг ёшлари сафидаги учрашувларига келсин ва ўйинимни кўрсин. Ўйинимга шундагина баҳо беради. Ундан ташқари, таркибни на мен, на танишлар ҳал қилади. Бош мураббий қандай қилиб жаҳон чемпионатига тайёр бўлмаган футболчини олиб кетиши мумкин? Ахир улар жавоб берадику натижага.

- Гарчи, шундай бўлса-да, барча сизни барибир Темур Кападзе билан бирга кўради. Солиштириш ва ҳар бир ҳолатда бунга дуч келавериш сизга оғирлик қилмайдими?

- Бу табиий ҳолат. Мен футболга ўзимнинг қизиқишим туфайли кириб келганман. Ҳеч қандай мажбурият эвазига эмас. Менга акам фақат футбол ўйнашда керакли кўрсатмаларни беради. Мен бошқа ҳолатда кимгадир суянмайман.

- Туркияга кетиш олдидан таркиб борасида кўп мунозарали мавзулар кўтарилди?

- Ҳа, албатта билиб турибман. Мен бу нарсалар ҳақида гапиришни истамайман. Худо кўриб турибди, ким қандай йўл қилганлигини. Энг кераклиси, мен буларга гапириб жавоб беришим керак эмас. Ўйнайман, кўрсин, фикр билдирсин. Бошқа гапим йўқ.

- Энди бошқа мавзуга ўтсак. Камронбек, фаолиятингиз ҳақида озгина айтиб ўтсангиз?

- Мен ёшлигимдан футбол муҳитида яшаганим учун футболга кириб келдим. Бундан беш йил олдин "Бунёдкор" академиясига ўқишга кирдим ва ҳозирда шу жамоадаман.

- Эшитишим бўйича "Нефтчи"га ўтади деган фикрлар юрибди. Шу ҳақида нима дея оласиз?

- Йўқ, бу ҳозирча аниқ бўлмаган гап. Агар менга қачон "Нефтчи" дан таклиф тушса бажонудил "Нефтчи" да ўйнаган бўлар эдим. Бу клубга ҳурматим чексиз.

- Айтмоқчи бўлган сўнгги сўзингиз қандай бўлар эди?

- Кейинчалик айтадиган гапларим бор. Фақат вақт керак.


Ҳумоюн Давуров суҳбатлашди
Рейтинг:    

Комментарии

championat.asia
< посмотреть последние новости
Яндекс.Метрика