Камолиддин Тожиев "Персеполис"га қарши ўйин олдидан: "Ўрунов бизнинг академиядан етишиб чиққан. Эртага унга қарши қандай ҳаракат қилишимизни кўриб оласиз"

Ўйиндан олдинги матбуот анжуманида "шерлар" мураббийи Камолиддин Тожиев ва ярим ҳимоячиси Сардор Собирхўжаев иштирок этди.

- "Персеполис" Эроннинг амалдаги чемпиони ва катта тажрибага эга жамоа ҳисобланади. Юқори савияли футболчиларга эга, яхши шаклланган. Рақибни ҳурмат қиламиз. Бизни жуда қизиқарли ўйин кутмоқда деб ўйлайман.

Ўрунов бизнинг академиядан етишиб чиққан. Уни яхши биламиз. Эртага унга қарши қандай ҳаракат қилишимизни кўриб оласиз.

"Персеполис" ҳужумга жуда тез ўтади ва қанотларда фаол ўйнайди. Ҳимоясида бўш ҳудудлар қолдириши мумкин. Уларни яхши ўрганиб чиқдик, - деди Тожиев.

Сардор Собирхўжаев: - Бу ергача узоқ йўл босишимизга тўғри келди. Жамоада кайфият яхши, эртага уйга уч очко билан қайтишга уринамиз.