Камолиддин Тожиев: "Пахтакор ўз олдига доим олий мақсадни қўяди. Кубок ва Суперлигада охиргача курашамиз"

- Ўйин ҳақида

- Биринчи бўлимни ўзида учта гол урдик. Олдинги ўйиндан кейин озгина чарчоқ бор эди. Аммо йигитларга қойил. Бугун вазиятлардан фойдаландик. 

- Пенальти эпизодида Риаскос ва Ҳамдамов пенальтини тепиш борасида келиша олишмади. Ўша вазиятда нима бўлди?

- Бу уларнинг ўртасида бўлган ҳолат. Футболда бунақаси бўлиб туради.

- "Пахтакор" учун ҳозирда кубокни қўлга киритиш осон. Иккита ўйин қолди. Чемпионатда эса "Пахтакор"дан юқорида бир нечта клуб бор. Шу ўринда агар танлов қилиш керак бўлса жамоа кубокни танлайдими ёки чемпионатни?

- Иккала турнирда ҳам охиригача курашамиз. Суперлигада ҳам ғалаба қозонишга ҳаракат қиламиз.

- Мавсум ўртасида сизни бош мураббий сифатида таништиришди. Сизга минимум вазифа сифатида қайси топшириқ берилди?

- "Пахтакор"да 2002 йил ўйнаганман. Фарқи йўқ, қайси даврада келасиз. ҳар доим клуб олдига олий мақсад қўйилади. Буни менга эслатиш ҳам шартмас эди.

- Биринчи бўлимда ўйин тақдири ҳал қилинган бўлса ҳам сиз Сергеевни узоқ вақт захирага олмадингиз. Олдинда танаффус бор ва ундан кейин "Нефтчи" билан ўйин. Терма жамоа йиғини ҳам кутиб турибди. Мақсад Сергеев яна битта гол уриши ва ўзига бўлган ишончини кўпроқ тиклаб олишимиди? Охирги пайт гол уришда унда муаммолар бўлди...

 - Сергеевга доим ишонганмиз. Ўзидан ҳам бироз сўраймиз, унинг ўзи бироз вақт беринг дейди. Ўртамиздаги муносабат жуда яхши. Бироз ўйнашни истади, биз вақт бердик. Термани ҳам ўйлаган ҳолда уни барибир захирага олдик.