"Каганат" мураббийи: "Бугунги ўйинда қайд этилган ҳисоб биз учун яхши натижа"
23 сен 2022 20:24
Новости

"Каганат" мураббийи: "Бугунги ўйинда қайд этилган ҳисоб биз учун яхши натижа"

Фарғонанинг "Нефтчи" ва Ўш шаҳрининг "Каганат" клублари ўртасида ташкил этилган халқаро ўртоқлик учрашуви (1:1)дан сўнг меҳмонлар мураббийи Максим Белих ўз фикрларини билдириб ўтди.

"Томошабоп ўйин бўлди. "Нефтчи" кучли жамоа, таркибида тажрибали ва номдор футболчилари етарлича. "Каганат" жамоамизда асосан ёш футболчилар тўп суришади, уларнинг айримлари 18 га ҳам тўлмаган. Жамоамизнинг ўртача ёши 20-23 ёшни ташкил этади.

"Нефтчи" билан ўртоқлик ўйин ташкил этишдан мақсад? Албатта тажриба тўплаш учун. Юқорида айтдим, Фарғона клуби таркибида кучли футболчилар талайгина. Биз бу каби ўйинларда ёш футболчиларимизнинг тажрибасини оширишимиз зарур. "Нефтчи" билан ташкил этилган ўйин бизга фойдали бўлди деб ўйлайман. Йигитлар бугунги учрашувда яхши ҳаракат қилишди, якка курашларда жуда фаол ўйнашди. Ишлашда давом этамиз. Айтиш жоиз бўлса, бугунги ўйинда қайд этилган ҳисоб биз учун яхши натижа" - дейди "Каганат" мураббийи.

Ссылка :

Источник : championat.asia

Получайте новости прямо в Telegram!

Рейтинг: +2