Жоржиньо "Вулверхэмптон"га қарши баҳсда қатнашмаслиги мумкин

"Челси" ярим ҳимоячиси Жоржиньо "Вулверхэмптон"га қарши АПЛ 18-турини ўтказиб юбориши мумкин. Бу ҳақда "кўклар" бош мураббийи Томас Туухел маълум қилди.

"Жоржиньонинг иштироки менда шубҳа уйғотмоқда. У "Вулверхэмптон"га қарши ўйнаши даргумон, у сўнгги ўйиндаги жароҳатидан ҳали тузалмаган. Балки Канте ва Ковачич асосий таркибда майдонга тушади. Мувозанатни топиш муҳим, чунки биз Жоржиньодан жуда кўп нарсани кутамиз.

Лофтус-Чик ҳам "Эвертон" билан ўйинда жароҳат олганди. Эндиликда таркибда мутлақо катта ўзгаришлар қилишга тўғри келади", – деди "аристократлар" устози.

"Вулверхэмптон" – "Челси" учрашуви якшанба куни Тошкент вақти билан 19:00 да бошланади.