Жоэль Кожо "Динамо"ни тарк этадими? Вадим Абрамов жавоб берди
09 фев 2024 15:35
Новости

Жоэль Кожо "Динамо"ни тарк этадими? Вадим Абрамов жавоб берди

"Динамо" бош мураббийи Вадим Абрамов Суперлига янги мавсуми олдидан таркибни кучайтириш ишлари деярли якунланганини маълум қилди.

"Янги мавсум олдидан таркибни кучайтириш ишларини деярли якунладик. Қўл остимдаги таркибдан кўнглим тўқ. Жамоа ҳужумчиси Кожо Жоэль тез орада Туркиядаги йиғинимизга қўшилади, у Осиё кубогидан кейин бироз бетоблиги сабабли кечроқ келмоқда.

Жамоага таклиф этиладиган охирги янги футболчи таянч ярим ҳимоячиси бўлади. Биз бу масалада легионер ўйинчи билан гаплашганмиз. У билан майдон марказимизни янада кучайтирамиз. У ҳам яқин орада Туркиядаги йиғинимизга қўшилиши кутилмоқда. Шу билан таркиб масаласи ёпилади", - дейди Вадим Карленович клуб матбуот хизмати билан суҳбатда.