Жиру Италияга учиб келди. У бугун "Милан" билан 2 йиллик шартнома имзолайди
16 июл 2021 13:00
Новости

Жиру Италияга учиб келди. У бугун "Милан" билан 2 йиллик шартнома имзолайди

Ҳужумчи Оливье Жиру тез орада "Милан" ўйинчисига айланади.

Футболчи кеча кечқурун Миланга учиб келди. Бугун эрталаб форвард тиббий кўрикдан ўтади, шунингдек "Милан" базасига ташриф буюради ва клуб билан шартнома имзолайди.

Шундан кейин Жиру таътилга йўл олади. У Стефано Пиоли жамоаси машғулотларига 26 июлда қўшилади.

"Милан" "Челси"га Жиру учун белгиланган миқдордаги маблағни тўлайди. Шартномада шунингдек Чемпионлар Лигасига чиқиш билан боғлиқ бонус ҳам бор. Француз 2 йиллик шартнома имзолайди, унинг маоши йилига 4 млн еврони ташкил этади.

34 ёшли форвард ўтган мавсум АПЛ доирасидаги 17та ўйинда майдонга тушиб, 4та гол уришга эришди.

Ссылка :

Источник : Calciomercato.com

Получайте новости прямо в Telegram!

Рейтинг: +2