Жейдон Санчо: "Тўғрисини айтсам, ёшлигимда Дидье Дрогба ва Фрэнк Лэмпард кумирларим эди"
02 сен 2024 11:40
Новости

Жейдон Санчо: "Тўғрисини айтсам, ёшлигимда Дидье Дрогба ва Фрэнк Лэмпард кумирларим эди"

"Челси" сафига яқинда келиб қўшилган ярим ҳимоячи Жейдон Санчо бир қизиқ интервью берди.

"Челси" билан барча ҳужжатлар имзолангач, Санчо "аристократлар" афсоналари Дрогба ва Лэмпардни болаликдаги энг севимли футболчилари деб атади.

Умумий ҳисобда Дрогба ва Лэмпард "Челси" либосида 1 029 та ўйинда майдонга тушиб, 375 та гол урган ва 212 голли узатма берган. Шу тариқа, бу икковлон клуб тарихининг энг муваффақиятли даврларидан бирида бевосита иштирок этган ҳамда бир неча бор Премьер-лига ва ички кубокларда зафар қучган, шунингдек, Чемпионлар Лигаси ва Европа Лигаси бош совринига ҳам эга чиқишган.

Эндиликда Санчо ўша машҳур дуэтнинг муваффақиятларини такрорлашга уриниб кўради.

"Бу ерда эканлигимдан жуда бахтлиман. Лондон - мен ўсган шаҳар ва бу ерга қайтишдан хурсандман.

Барчаси мураккаб эди ва трансфер ойнасининг охирги кунида ҳал бўлиши зарур эди. Бироқ барчаси кўнгилдагидек ўтди ва ваниҳоят бу амалга ошганидан жуда мамнунман.

"Челси" - бу буюк клуб. Биласизми, болалигимда Дидье Дрогба ва Фрэнк Лэмпард кумирларим бўлган. Энди эса худди улар каби шу клуб сафида тўп тепиш имкониятига эгаман. Бу ажойиб туйғу".