Жепаров, Кападзе ҳамда Бугало “С” тоифадаги мураббийлик лицензия учун ўқимоқда
12 авг 2016 21:52
Новости

Жепаров, Кападзе ҳамда Бугало “С” тоифадаги мураббийлик лицензия учун ўқимоқда

Бугун, 12 август куни Тошкентда Осиё Футбол Конфедерацияси ҳамда Ўзбекистон Футбол Федерацияси ҳамкорлигида “С” тоифали мураббийлик лицензияси учун ўқув-семинар курслари бошланди.

Ўқув-курсларида жами 24 нафар мураббийликка номзодлар иштирок этмоқда. Эътиборлиси, улар орасида Ўзбекистон миллий терма жамоаси собиқ ҳамда амалдаги аъзолари – 44 ўйинда Ўзбекистон миллий терма жамоаси дарвозасини қўриқлаган Павел Бугало, миллий терма жамоа сафида ўтказган ўйинлари сони бўйича энг юқори кўрсаткичга эга бўлган (119 ўйин) Темур Кападзе ҳамда ҳозирга қадар терма жамоа сафида 116 ўйинда майдонга тушиб, 25 голга муаллифлик қилган Сервер Жепаров ҳам бор.

Ушбу ўқув курси 25 августга қадар давом этади. Ўзбекистонлик ОФК инструктори Ислом Аҳмедов томонидан олиб борилмоқда. Координатор – ЎФФ техник бўлими бошлиғи Шавкат Имомов.

Ссылка :

Источник : the-uff.com

Получайте новости прямо в Telegram!

Рейтинг: +5