ЖЧда ўйинга ташриф буюрганлар сони стадион сиғимидан кўпроқ. ФИФАдан жуда ғалати математика

Турнир 20 ноябрь куни "Ал Байт" стадионида Қатарнинг Эквадорга қарши ўйини билан старт олди. ФИФАнинг расмий сайтидан текширамиз – бу аренанинг сиғими бўйича иккита сатр берилган. Битта саҳифада икки хил маълумот:

• ЖЧ-2022даги стадионнинг сиғими*: 45 032 инсон. * – муайян ўйинлар учун сиғим бироз фарқ қилиши мумкин

• Турнир учун сиғим – 60 000 инсон.

Айни пайтда ўша ФИФА сайтидаги Қатар – Эквадор ўйини расмий протоколида томошабинлар сони сиғимдаги рақамлардан кўпроқлигини кўрамиз. 60 минг сиғимга эга стадион ҳақидаги маълумотни тўғри деб ҳисобласак, камида етти мингга.

Журналистларнинг аниқлашича, стадионнинг ўзидаги таблода ўн мингта камроқ рақамлар берилган – 57 372. Шунда ҳаммаси нисбатан тушунарли бўларди. Визуал равишда очилиш ўйинидаги "Ал Байт" стадионига ташриф буюрувчилар сонида айб топиш қийин эди. Ҳа, ўйин сўнггида Қатар мухлислари салбий натижа сабаб стадионни тарк этишди, аммо биринчи таймда барчаси яхши бўлди.

Мана, иккинчи кунда эса ғалати ҳолатлар пайдо бўлди.

Англия – Эрон ўйини Дохадаги "Халифа Интернейшнл" стадионида ўтди. ФИФА битта саҳифасида 40 минг ўринга мўлжалланганини кўрсатмоқда.

Бошқасида эса – 45 857.

Ўйинга қанча мухлис ташриф буюрди? ФИФА 45 334 мухлис ҳақида ёзмоқда. Яъни, беш юзга яқин бўш ўриндиқ бўлиши керак. Ёки стадионда айтилганидан беш мингта кўп жой бор эди.

Сенегалнинг Нидерландияга қарши ўйинидаги асосий савол. Ўйин Дохадаги "Ал Тумама" стадионида ўтди. Ва яна ФИФА сайтидаги номувофиқлик. 40 000 ёки 44400?

Кейинчалик ўйин протоколида 41 721 сонини кўрдик.

Ва тв-суратни эслаймиз. Биринчи тайм ўрталари – марказда (оқ), чап (яшил) ва ўнг (қизил) тарафларда кўплаб бўш ўринлар.

Марказ иккинчи бўлимда ҳам ёмон кўринмади.

Дарвоза ортида ҳам (яшил рангдаги жой).

Бу фақат пастки сектор. Юқори ТВ-суратда яхши кўринмади, аммо ижтимоий тармоқларда бўш қаторлар билан турли хил суратлар тарқалмоқда.

Ҳудди шундай воқеа "Ахмад Бин Али Стэдиум"да ўтган АҚШ – Уэльс ўйини билан рўй берган. ФИФА сайтида сиғим бўйича маълумот бор: битта саҳифада 40 минг, бошқасида 45 032. Ўйиндаги мухлислар бўйича расмий маълумотда – 43 418. Гарчи марказда бўш ўриндиқлар кўринган бўлса ҳам.

ФИФАга бир нечта саволлар бор.

Илк савол: нега биринчи ўйин атрофидаги рақамларда бундай тафовут бор ва 60 мингта дейилган замонавий стадионга қандай қилиб 67 минг инсонни сиғдириш мумкин? Агар бу хато бўлса, нега ҳалигача тўғирланмаган?

Иккинчиси: нега ФИФА расмий сайтидаги икки саҳифада стадион сиғими бўйича номувофиқлик пайдо бўлди? Биринчи стадион билан воқеага келсак, умуман битта саҳифада.

Алишер Остонов таржимаси