ЖЧ саралашдаги рақибимиз Сингапур гуруҳда иккинчи бўлиш учун курашади
03 июн 2021 16:23
Новости

ЖЧ саралашдаги рақибимиз Сингапур гуруҳда иккинчи бўлиш учун курашади

Бугун Осиё қитъаси бўйлаб ЖЧ-2022 саралаш босқичининг иккинчи раунд асосий ўйинларига старт берилади.

Бугун Тошкент вақти билан 23:00да Фаластин - Сингапур ўйини бўлиб ўтади. Биз жой олган гуруҳда Сингапур термаси 7 очко билан 3-ўринни эгаллаб турибди. Ўйиндан олдинги матбуот анжуманида сингапурликлар бош мураббийи Татсума Йошида жамоаси билан иккинчи ўринни мақсад қилаётганини айтди.

- "Биз расмий ўйинларга тайёрмиз. Ҳозирча ҳаммаси жойида. Жамоамиз сафида Саудия Арабистонига келган барча футболчиларга ишонаман. Ҳар бир ўйин биз учун муҳим. Агар Фаластинни мағлуб этсак, 10 очко билан иккинчи ўринга кўтарилиб оламиз. Мақсадимиз ҳам аслида шу: гуруҳ баҳсларини иккинчи ўринда тугатиш. Биз шу орқали Сингапур халқига қувонч улашишни хоҳлаймиз", - дейди япониялик мураббий.