ЖЧ-2018. Хонда осиёлик тўпурарлар пойгасида яққол етакчи
25 июн 2018 13:20
Новости

ЖЧ-2018. Хонда осиёлик тўпурарлар пойгасида яққол етакчи

Кеча бўлиб ўтган Япония - Сенегал баҳсида 2:2 ҳисоби қайд этилди.

Ушбу учрашувда япониялик ярим ҳимоячи Кейсуке Хонда жамоасининг иккинчи голини уриб Японияга бир очкони тақдим этди. Шундай қилиб Хонда учта жаҳон чемпионатида гол урган биринчи япон футболчисига айланди. Бундан ташқари, у голлари сонини тўрттага етказиб, жаҳон чемпионатларида энг кўп гол урган осиёлик футболчилар орасида пешқадамга айланиб олди.

ЖЧ-2010да биринчи бор майдонга тушган Хонда ўзининг дастлабки голини Камерунга, иккинчи тўпини эса Дания термаси дарвозасига киритганди. Бразилия-2014да эса у Кот'д-Ивуар дарвозасини ишғол қилган. Мана энди кеча Сенегал дарвозасига ҳам тўп киритишга муваффақ бўлган Хонда шундай қилиб голлари сонини тўрттага етказиб олди.

Натижада Хонда ЖЧларда энг кўп гол урган осиёликлар орасида яққол пешқадамга айланди. Кейинги ўринларни эса учта гол билан Тим Кейхилл, Сами Ал Жабер, Ан Чжун Хван ва Парк Жи Сунг эгаллаб турибди.

Ссылка :

Источник : championat.asia

Получайте новости прямо в Telegram!

Рейтинг: +9