ЖЧ-2018 саралаши. Жанубий Америка жамоаси плей-оффда Янги Зеландия билан ўйнайди

Янги Зеландия терма жамоаси Соломон ороллари билан жавоб баҳсини ўтказди. Илк учрашувда ўз уйида 6:1 ҳисобида ғалаба қозонган Янги Зеландия бугун сафарда 2:2 ҳисобида дуранг қайд этиб қитъалараро плей-оффда иштирок этиш ҳуқуқини қўлга киритди.

Океания вакили Жаҳон чемпионига чиқиш учун Жанубий Америка қитъаси саралашида бешинчи ўринни олган жамоа билан кураш олиб боради.

Айни пайтда бешинчи ўринда Аргентина терма жамоаси бормоқда. Ушбу қитъада саралаш баҳслари тугашига 3та тур қолди.

Қитъалараро плей-офф учрашувининг биринчиси Янги Зеландияда 6 ноябрь куни бўлиб ўтади. Жавоб учрашуви 14 ноябрда ташкил этилади.

Маълумот учун, Осиё қитъаси плей-оффида ғолиб бўлган жамоа эса КОНКАКАФ минтақасида тўртинчи бўлган жамоа билан тўқнаш келади.