ЖЧ-2018. Эрон - Марокаш. Превью
15 июн 2018 12:36
Новости

ЖЧ-2018. Эрон - Марокаш. Превью

"Санкт-Петербург" стадионида Марокаш ва Эрон терма жамоалари ЖЧ-2018даги ўзлари учун биринчи ўйинни ўтказишади.

"Атлас шерлари" сўнгги бор 20 йил олдин мундиалда иштирок этишган ва гуруҳ босқичида қолиб кетишганди. Энди Эрве Ренар бошчилигида жамоа ўз натижасини яхшиламоқчи. Эрон эса ўз тарихида илк бор кетма-кет иккинчи бор ЖЧда иштирок этмоқда. 7 йил давомида жамоани бошқарган Карлуш Кейруш ушбу мусобақадан сўнг лавозимини тарк этади.
Осиё терма жамоаси сафида дисквалификация қилинган Саид Иззатуллоҳи майдонга тушмайди, бундан ташқари жароҳатлари боис Меҳди Тареми в Ашакан Дежага Марокашга қарши ўйнай олишмайди. Марокаш сафида Набиль Дирарнинг майдонга тушиши сўроқ остида турибди.

Бу қизиқ
Марокаш терма жамоаси 18та ўйиндан буён ютқазмаяпти. Фақат Бельгия (19) ва Испания (20) ЖЧ-2018дан олдин Марокашдан узунроқ мағлубиятсиз серияга эга.

Ушбу икки терма жамоа Жаҳон чемпионатларида олдин ҳеч қачон тўқнаш келишмаган.

Марокко

Чемпионат Мира. Группа В . Тур 1

15/06/2018, 21:00

Завершен

Иран

Азиз Бухаддуз - 90'

Стадион: New Zenit Stadium, 62548 зрителей

Главный судья: Кунейт Чакыр

45'

90'

Открыть в Матч-Центре

Тахминий таркиблар
Эрон: Алиризо Бейраванд; Милад Муҳаммади, Муртазо Пуралиганджи, Р0збех Чешми, Пежман Монтазари; Масъуд Шожайи, Эҳсон Хожсафи, Омид Иброҳими; Воҳид Амири, Сердар Азмун, Алиризо Жаҳонбахш

Марокаш: Мунир эл-Кажуи; Ҳамза Мендиль, Ромен Саисс, Меҳди Бенатиа, Ашраф Ҳакими; Ҳаким Зиеч, Муборак Буссуфа, Юнус Белҳанда, Карим эл-Аҳмади, Нуриддин Амрабат; Холид Бутаиб

Мураббийлар нима дейди?

Эрве Ренар (Марокаш):

"Ушбу мусобақада кучли жамоалар жуда кўп, уларнинг кўпи фаворит. Бироқ биз Санкт-Петербургга шунчаки расмга тушиш учун келганимиз йўқ".

Карлуш Кейруш (Эрон):

"Бу ўйин иккала жамоа учун ҳам жуда муҳимлигини биламиз, биз аниқ мақсад билан бу шаҳарга келдик, ҳисобимизга 3 очко қўшиб қўймоқчимиз. Футболчиларимда шижоат ва интилиш кучли. Футболдаги ғалаба худди наркотикка ўхшайди. Агар биринчи ўйинда ютсак навбатдаги баҳсларда бизга кўпроқ ишонч бағишлайди. Шу боис Марокашга қарши ўйинда гол уриш учун қўрқмай ҳужум қиламиз".