Жасур Жалолиддинов: "Вужудимда "Бунёдкор" қони оқишда давом этади"

"Ассалому алайкум ҳурматли "Бунёдкор" футбол клубининг раҳбарияти, ишчи ходимлари, мураббийлари ва жонкуяр мухлислари! Бугун сизларга ўзимни чексиз миннатдорчилигимни ва самимий тилакларимни баён қилмоқчиман. Болалигимдан футбол сир-асрорларини ўргатган марҳум Акмал Рисқуллаев, клубдаги мураббийларим Сергей Чигодаев, катта футболга етаклаган Миржалол Қосимов, Шуҳрат Мақсудов ва ҳозирги кунга етиб келишимга асосий сабабчи бўлган ва менга имконият берган Вадим Карленович Абрамовга, академияда йўл-йўриқ кўрсатган Азамат акага, янги жамоага ўтишимга қаршилик қилмаган ва қароримни ҳурмат қилган "Бунёдкор" раҳбариятига чин дилдан раҳмат айтмоқчиман. Футболчилик фаолиятимда янги саҳифа очиш арафасида турибман. Ишонаманки, сизлар менинг қароримни қўллаб-қувватлайсизлар. Қаерда бўлсам ҳам мени катта футболга ва ҳаётга етаклаган "Бунёдкор" жамоасини унутмайман. Ҳар доим уларни мухлиси бўлиб қоламан. Бу клуб менинг юрагимда қолади. Вужудимда "Бунёдкор" қони оқишда давом этади. Барчангизга яна бир бор ташаккур",- дейди Жалолиддинов.