Жасур Абдуллаев: "Мухлисларга узоқ кутилган ғалабани тақдим этмоқчимиз"
10 окт 2018 13:32
Новости

Жасур Абдуллаев: "Мухлисларга узоқ кутилган ғалабани тақдим этмоқчимиз"

Про-Лига 29-туридан ўрин олган "Ёзёвон-Лочинлари" - "Ғиждувон" учрашуви олдидан ёзёвонликлар дарвозабони Жасур Абдуллаев championat.asia сайтига интервью берди.

Жамоамиз аъзолари билан машғулотларда астойдил меҳнат қилмоқдамиз. Насиб этса 12 октябрь, жума куни "Ғиждувон" жамоаси билан учрашувда ғалаба қозониб, мухлисларимизга узоқ кутилган ғалабани туҳфа этмоқчимиз.

Айни дамда турнир жадвалида 5-ўринга тушиб кетдик. Кетма-кет учрашувларда мағлубиятга учраганимиз туфайли мухлислар биздан бир оз ранжиб қолишган. Футболда ғалаба ва мағлубият ёнма-ён юради. Қолган учрашувларга янада жиддий ёндашиб, ғалабаларни қўлга киритамиз деган умиддаман.

Бекзод Толибов ёзиб олди.