Жалолиддин Машарипов: "Австралиядан қўрқув йўқ, аламимиз бор"

"Мусобақадаги дастлабки баҳсда бизда озгина ҳаяжон сезилди. Лекин Туркманистонга қарши ўйиндан кейин ўзимизга бўлган ишонч анча ортди. Учинчи баҳсда гарчи Япониядан мағлубиятга учраган бўлсакда, биз яхши ўйнадик. Мазкур мағлубият ўзимизга бўлган ишончни йўқотмайди. Австралияга билан ўйин олдидан ўз кучимизга бўлган ишонч юқори. Ҳеч қандай қўрқув йўқ

Австралия терма жамоасига қарши қандай ўйнашимиз сирини очишни истамайман. Чунки Австралиялик журналистлар ҳам пойлаб ўтиришибди. Биз уларнинг заиф нуқтасини биламиз ва ниманинг эвазига мағлуб этиш ҳақида ҳам етарлича тасаввуримиз бор. Буни эртага майдонда амалда кўрсатишга ҳаракат қиламиз. Ҳозир эса карталарни очиб ташламоқчи эмасман. Ўйиндан олдин мураббийлар штаби бизга аниқ кўрсатмаларни беришади. Шу режа бўйича майдонга тушамиз.

Австралиядан учралган ўша машҳур мағлубият? У пайтлар ёш бола бўлганмиз ва учрашувни телевизор орқали томоша қилганман. Ўтган ўйин билан ҳозирги даврни солиштирмаган бўлардим. Лекин ичимда ўша мағлубият алами қолган. Эртага ўша мағлубият аламини олиш учун ҳам янада кучлироқ иштиёқ билан ўйнаймиз", - дея гапириб ўтди Жалолиддин Машарипов.

Шу пайт хорижлик журналистнинг саволига жавоб бераётган Машариповнинг гапига Эктор Купер қўшимча қилди ва қуйидаги фикрларни билдирди:
"Мен 8 маротаба финалга чиққанман ва ютқазганман. Лекин бу мағлубиятлар мени яна финалга чиқиш истагимни йўқотгани йўқ. Мен яна финалга чиқишни хоҳлайвераман".

Эктор Купер иштирокидаги матбуот анжумани