Жаҳонгир Меҳмонов: “Хатолар қимматга тушди”

- Ғалаба қозонишимиз керак бўлган ўйин эди. Афсуски, ўз хатоларимиз ҳисобига уч очкони қўлдан бой бердик. Шукур Пўлатов хеч қачон пенальтиларда адашмасди. Лекин жаҳон футболида ҳам юлдузларини пенальти тепишда қўпол хатоларга йўл қўйганига кўп гувоҳи бўлганмиз. Пенальти бу – лоторея. Уни кимдир уради, кимдир хато қилиши табиий ҳол. Жамоамиз ўйинга 100% тайёр эди. “Насаф”ни жиддий ўргандик ва баҳсга қизғин хозирлик кўрдик. Кубок доирасида қаршиликлар билан тўқнаш келишимиз рақибни ўрганишда бизга анча қўл келди. Фарғона бўлиб ўтган ўйинда “Нефтчи” “Насаф”дан кучли ўйин кўрсатди деб ҳисоблайман. Тўғри “Насаф” таркибида жиддий йўқотишлар бор эди. Бироқ шу каби вазиятда биз ҳам “Пахтакор”ни енгдик. Профессионал жамоалар учун мана  шундай муаммолар қандайдир сабаб бўлмаслиги керак. Энди “Нефтчи”ни “Қизилқум”га қарши яна бир муҳим ўйин кутяпти. Албатта Навоийга ғалаба учун борамиз. Чунки бизга хозир очколар жуда зарур, - деди Меҳмонов.

“Нефтчи” матбуот хизмати