Жағ синди, футболчи қамоқда, мураббийлар ҳайдалди. Қирғиз клубидаги воқеа кўпчиликни шокка туширди
27 авг 00:13
Новости
![](https://championat.asia/upload/storage/799973_original.jpg)
![](/upload/storage/799973_220.jpg)
Жағ синди, футболчи қамоқда, мураббийлар ҳайдалди. Қирғиз клубидаги воқеа кўпчиликни шокка туширди
Қирғизистон терма жамоаси ҳужумчиси Мирбек Ахматалиев 5 йилга футболдан четлатилди.
15 август куни Қирғиз Республикаси футбол клуби "Мурас Юнайтед" машғулотида футболчи украиналик жамоадоши билан муштлашиб кетди.
"Воқеа натижасида клубнинг хорижлик футболчиси Евгений Терзи жағ синиши жароҳатини олди. Маълум бўлишича, ходисага клуб ҳамкорлик қилишни тўхтатган Мирбек Ахматалиев сабабчи бўлган" - дейилади Қирғиз футболи иттифоқи расмий баёнотида.
22 август куни ҚФИ йиғилишида қоидабузарни 5 йилга футболдан четлатиш қарори қабул қилинди. "Мурас Юнайтед" ушбу воқеа туфайли мураббийлар штаби ва спорт директорини ишдан ҳайдади.
Маълумотларга кўра, Ахматалиев айни дамда қамоқда. Футболчига нисбатан "соғликка оғир бўлмаган зарар етказиш" моддаси бўйича жиноий иш қўзғатилган.
Похожие новости
![AMP Logo](https://championat.asia/image/logo-amp.png)
Комментарии