Иван Бошкович: "Натижага мен жавоб бераманми, демак таркибни ҳам мен танлайман"
29 мар 23:14
Новости

Иван Бошкович: "Натижага мен жавоб бераманми, демак таркибни ҳам мен танлайман"

Суперлиганинг 3-туридан ўрин олган "Машъал" - "Сўғдиёна" (1:0) учрашувидан сўнг меҳмонлар бош мураббийи Иван Бошкович матбуот анжуманида иштирок этди.

Ўйин ҳақида

- Албатта бугунги ўйинга мезбонлар жуда яхши тайёргарлик кўришибди. Вазиятилар яратдик, фойдалана олмадик. Пенальтида ҳам омадимиз келмади. Ҳужумларни якунлашда қийинчиликларга дуч келаяпмиз. Ишлашда давом этишимиз керак. Футболчиларимга эътирозим йўқ, улар ҳаракат қилишди. Мавсум старти биз учун оғир келди. Кетма-кет 3 та турдан бери муваффақиятсизликларга учраяпмиз. Натижага мураббий жавоб беради. Камчиликлар устида ишлаймиз. Бугун "Машъал" руҳият ишончи билан ютиб кетди.

- Милан Митрович сўнги вақтларда таркибга кирмаяпти. Шунингдек, Лука Жоржовичга ишонч билдирилмаяпти. Шунингдек, ёшлар терма жамоаси йиғинида иштирок этиб қайтган қатор футболчилар таркибдан четда қолишди. Буларга қандай изох берасиз?

- Натижага жавоб берувчи мураббий мен бўлсам, демак таркибни ўзим ҳал қиламан. Машғулотларда ишлаймиз, ҳар бир футболчинининг индивудиал ҳолати кўринади. Энг тайёр бўлганларни майдонга туширамиз. Таркибимизда ёш футболчилар бор, мавсум давомида турли ротацияларга қўл уришимиз аниқ. Жамоамиз аъзоси бўлган барча футболчиларга имконият тақдим этамиз.