Италиялик шифокор "Аталанта" - "Валенсия" ўйини ҳақида: "Афсуски, бу биологик бомба бўлди"
24 мар 2020 16:26
Новости

Италиялик шифокор "Аталанта" - "Валенсия" ўйини ҳақида: "Афсуски, бу биологик бомба бўлди"

ЕЧЛ доирасидаги "Сан-Сиро"да тўла трибуналар остидаги ўйин коронавируснинг авж олиши учун йўл очган.

Бергамодаги Папа Жованни XXIII номли касалхонанинг пулмонология бўлими бошлиғи Фабиано Ди Марко Чемпионлар Лигаси 1/8 финал "Аталанта" - "Валенсия" (4:1) ўйини Италияда коронавируснинг тарқалишига сезиларли таъсир кўрсатганини айтди.

"19 февраль куни Бергамонинг 40 минг аҳолиси "Аталанта" - "Валенсия" ўйини учун "Сан-Сиро"да бўлишган. Улар автобуслар, машиналар ва поездларда йўл олишган эди...

Афсуски, бу биологик бомба эди", - дейди пулмонолог (нафас олиш касалликларини ўрганувчи шифокор).

Эслатиб ўтамиз, кечаги маълумотларга кўра Италияда 63927 инсон коронавирусга чалинган бўлиб, уларнинг 6077 нафари вафот этган.