Италия А Серияси, 1-тур анонси

Массимо Растелли жамоасини Туринда анча жиддий старт кутмоқда. Ўтган йилги мавсумни яхши савияда ўтказган ва ўз имкониятларидан келиб чиқиб, анчагина муносиб ўринни эгаллаган жамоа учун янги мавсум қийин рақиб билан бошланмоқда.

Ўтган мавсум Массимо Растелли учун А Сериядаги дебют бўлганди. Растеллининг А Сериядаги дебюитини ажойиб руҳда ўтказди. Илк уринишда 11-ўринни қўлга киритиш бу ҳазил натижа эмас.

"Кальяри"нинг юлдуз футболчиси - Марко Боррьелло. Ушбу қария ҳужумчи ўзининг бой тажрибаси эвазига жамоадаги асосий ролни бажармоқда. Футболчиларни ўз ортидан эргаштира олаётган Боррьелло гол уришда ҳам фаоллик кўрсатмоқда.
Боррьелло ўзи ўйнаган кўплаб жамоаларда мухлислар ёқимтойига айлана олмаганди. Кальярида эса Марко зўрларнинг энг зўрига айланди.

Шунинг учун ҳам янги мавсум олдидан "Кальяри" жамоа юлдузи ва тўпурарини олиб қолишга қарор қилди.

Аммо "Кальяри"ни янги мавсум олдидан уч нафар асосий ҳимоячи тарк этди. Бруну Алвеш, Маурисио Исла ҳамда Никола Мурра фаолиятларини бошқа жамоаларда давом эттиришни маъқул топишди.

Ўтган йили Б Сериядан келган "Кальяри" А Серияда 11-ўринни эгаллаб янги мавсум олдидан мўлжални янада каттароқ қилиб белгилади. Бу эса жамоага ортиқча босим юклайди.
Бугунги баҳс улар учун яхшигина имтиҳон бўлиши шубҳасиз.

Биринчи турда "Кальяри" Туриндан очко билан қайтиши деярли мўъжизага тенг.
Фақатгина биргина факт "Кальяри"ни илҳомлантириши мумкин. "Ювентус" Аллегри қўл остида одатда мавсумни нисбатан бироз муваффақиятсиз бошлайди. Жамоа ҳимоясидаги асосий қурғон Бонуччи кетган ва бу жиҳат "Юве"га биринчи ўйинда панд бериши мумкин.
Янги ҳимоячилар ва янги боғламлар ҳали ишга тушгунига қадар камчиликлар руй бериши мумкин. Марко Боррьелло бу юзага келиши мумкин бўлган кемтиклардан максимум фойдаланишга ҳаракат қилиши аниқ.
Лекин "Кальяри"ни Туринда муваффақият старт олиши жуда қийин масала.
Растелли шогирдлари айнан шу қийин масалани ҳал этишга уриниб кўришади.


Аллегри эса суперкубокдаги муваффақиятсизликдан кейин жамоа ишқибозларига ғалабани тақдим этишга мажбур. "Ювентус" амалдаги чемпион сифатида ўз уйидаги илк ўйинда ҳақиқий чемпионларга хос старт олиши керак.

Жамоани янги мавсум олдидан Бонуччи, Дани Алвеш, Лемина, Ринкон сингари футболчилар тарк этишди.
Уларнинг ўрнига Де Шильо, Матюиди, Бернардески, Бентанкур, Шесни, Дуглас Коста келди.

Жамоа ушбу ёзги трансфер бозоридан кейин кучсизланмади, аксинча кучайди.

"Ювентус" учун янги мавсумдаги асосий мақсад барибир Италия чемпионлиги бўлиб қолаверади. Жамоа кетма-кет еттинчи бор скудеттони қўлга киритишни истайди.

Бугунги баҳсда жамоа сафида бир қатор янги келган футболчилар дебют қилиш имкониятига эгалар. Хусусан куни кеча харид қилинган Блез Матюиди ҳам "Кальяри"га қарши ўйин қайдномасига киритилган.
Шунингдек, Дуглас Коста ва Де Шильони бошланғич таркибда кўрсак ажаб эмас.

Тунда Италия чемпионатининг 1-туридан ўрин олган яна бир баҳс "Верона" ҳамда "Наполи" жамоалари ўртасида кечади.

А Серияга қайтган "Верона" "Наполи"га жиддий жанг таклиф қилиши шубҳасиз. Бу жамоа айниқса ўз уйида жуда кучли ўйин кўрсатади.

"Наполи" эса чемпионлик йўлидаги дастлабки қадамни муносиб қўйишга ҳаракат қилади.

Мертенс, Кальехон, Инсинье, Милик ва Гамшик сингари футболчилар "Верона"нинг ҳимоясини яхшигина безовта қилишлари тайин. "Верона" ҳимоячилари бу каби ижрочиларни қандай тўхтатиб қолишларини ўйинда кўрамиз.

Ҳар иккала учрашувни "Спорт" телеканали жонли эфирда намойиш этади.

Италия А Серияси, 1-тур.

"Ювентус" - "Кальяри" (21:00)

"Аллианз Стэдиум" стадиони.

Бош ҳакам: Фабио Мареска.

"Ювентус": (тахминий таркиб 4-2-3-1) Буффон, Де Шильо, Ругани, Кьеллини, Алекс Сандро, Хедира, Пьянич, Дуглас Коста, Дибала, Манжукич, Игуаин.

"Кальяри": (тахминий таркиб 4-3-1-2) Краньо, Падоин, Пизакане, Андреолли, Мьянге, Барелла, Чигарини, Йоницэ, Жоао Педро, Сау, Боррьелло.


"Верона" - "Наполи" (23:45)

"М.А Бентегоди" стадиони.

Бош ҳакам: Майкл Фаббри.

"Верона": (тахминий таркиб 3-4-3) Николас, Касерес, Караччьоло, Эрто, Ромуло, Сукулини, Бесса, Супрайен, Черчи, Паццини, Верде.

"Наполи": (тахминий таркиб 4-3-3) Рейна, Хюсай, Альбиоль, Кулибали, Гулям, Аллан, Жоржиньо, Гамшик, Кальехон, Мертенс, Инсинье.